Home / کاروبار / ایف بی آر نے جائیداد کی سرکاری قیمتوں میں 20 سے لے کر 66 فیصد تک اضافہ کردیا

ایف بی آر نے جائیداد کی سرکاری قیمتوں میں 20 سے لے کر 66 فیصد تک اضافہ کردیا

ایف بی آر نے کراچی کی جائیدادوں کی 11 کیٹگریز کو برقرار رکھتے ہوئے نئی ویلیو ایشن کردی جس کا باضابطہ نوٹی فکیشن جاری کردیا گیا ہے، جس کے تحت نئی ویلیو ایشن کے بعد اب ایف شہر کی جائیداد کی سرکاری قیمتوں میں 20 تا 66 فیصد اضافہ کردیا گیا ہے، نئی قیمتوں کا اطلاق 24 جولائی سے ہوگا۔

جائیداد کی 11 کیٹیگریز برقرار رکھی گئی ہیں جس میں رہائشی کمرشل، صنعتی تعمیر شدہ اور غیر تعمیر شدہ جائیدادیں شامل ہیں۔ اس ضمن میں ایف بی آر نے ایس آر او نمبر 837 جاری کردیا ہے جس کے مطابق اے ون کیٹیگری رہائشی جائیداد کی قیمت میں 66 فیصد، کیٹیگری اے ون میں کمرشل جائیداد کی قیمت میں 20 فیصد، اے ون میں اوپن رہائشی جائیداد میں 23 ہزار روپے اور رہائشی بلڈ اپ پراپرٹی کی فی مربع گز قیمت میں 24 ہزار روپے اضافہ کیا گیا ہے۔

نوٹی فکیشن کے تحت کیٹیگری اے ون میں کمرشل اوپن پلاٹ کی قیمت میں 30 ہزار روپے، کیٹیگری 2 میں رہائشی جائیدادکی قیمت 4600 روپے فی مربع گز، کیٹیگری 3 میں رہائشی جائیداد کی قیمتوں میں 2 ہزار 8 سو روپے فی مربع گز، کیٹیگری 4 رہائشی جائیداد کی قیمت میں 2 ہزار 5 سو فی مربع گز، کیٹیگری 6 میں جائیداد کی قیمت 420 روپے فی مربع گز، کیٹیگری 7 میں رہائشی جائیداد کی قیمت میں 8 ہزار روپے فی مربع گز، کیٹیگری 8 میں رہائشی جائیداد کی قیمت 8 سو روپے فی مربع گز جب کہ کیٹگری 9 اور 10 میں رہائشی جائیداد میں 1 ہزار روپے کا اضافہ کیا گیا ہے

About ویب ڈیسک

Avatar

Check Also

صدر ٹرمپ نے امریکی کمپنیوں کو ہواوے کے ساتھ کاروبار کرنے کا اشارہ دے دیا

]: ڈونلڈ ٹرمپ نے کچھ پابندیاں اٹھانے کا عندیہ دیتے ہوئے کہا ہے کہ امریکی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے